jueves, 18 de diciembre de 2014

miércoles, 3 de diciembre de 2014

O ESPÍRITU DO ÚLTIMO VERÁN, 2º A

Con "O espírito do último verán" de Susana Vallejo continúan as reunións dos de 2º A.
A propia Susana Vallejo convídanos a lelo:

E tamén conta con estratexias de animación lectora (aínda que en castelán).

martes, 25 de noviembre de 2014

DIARIO DE GREG 5, 1º A+B

A quinta entrega do Diario de Greg será a primeira lectura do grupo.
Greg Heffley sempre tivo présa por medrar. Pero, agora que empeza a facerse maior, de veras resulta todo tan divertido? De pronto Greg está inmerso na tensión das festas de rapaces e rapazas, maiores responsabilidades e ata os cambios fisiolóxicos propios da idade, todo iso sen poder contar co seu inseparable mellor amigo, Rowley.Poderá saír Greg adiante polos seus propios medios? Ou terá que renderse ante "A CRÚA REALIDADE"?
Os que xa coñecedes a saga, saberedes tamén da película. Aquí podedes ver o trailler.

viernes, 21 de noviembre de 2014

25 DE NOVEMBRO, DÍA INTERNACIONAL CONTRA A VIOLENCIA DE XÉNERO

Na biblioteca recordamos a data con marcapáxinas, música, libros, audiovisuais... para sensibilizar, previr ou detectar situacións de risco.
Por exemplo, o noso taboleiro de lecturas.
Máis recursos en biblogcaniza.

CARTAS DE INVERNO EN CÓMIC, 2º A

Versión en banda deseñada de Cartas de inverno, a extraordinaria novela de Agustín Fernández Paz que di dela:
“Trátase da mesma historia, narrada a través da linguaxe do cómic e a través doutra mirada. A capacidade de suxerir que teñen as palabras trasládase aquí ás elipses narrativas. A tensión creada coas palabras trasládase ás imaxes e á montaxe das viñetas. Os estados de ánimo atopan a súa correspondencia na paleta de cores utilizada polo autor. Todas as pezas encaixan para conformaren unha obra con valor de seu. De aí que declare a miña alegría ante a publicación destas novas Cartas de inverno.”


Parte da entrevista emitida no Eirado de Pemón Bouzas o 1 de decembro do 2012, na TVG2
O proxecto de lectura aquí.

BARRO DE MEDELLÍN, 3º+4º

Empezamos lendo Barro de Medellín de Alfredo Gómez Cerdá (Premio Nacional de Literatura Infantil e Xuvenil 2009).
"Para Camilo e Andrés, os días transcorren vagabundeando polas rúas do seu barrio en Medellín, o mellor lugar do mundo. Camilo ten claro que, cando sexan maiores, dirixirán unha banda de ladróns. Pero Andrés non quere ser ladrón. Iso si, sempre estarán xuntos. O que non imaxinan é que a súa entrada fortuíta ao Parque Biblioteca talvez cambie as súas vidas."
A petición de Xandra Uribe, Gómez Cerdá adaptou a novela e escribiu un guión dramático convertíndoa nun espectáculo musical. Así naceu a primeira obra de teatro musical de integración social sobre esta cidade.

Conta tamén cunha guía de lectura.

jueves, 20 de noviembre de 2014

GALICIA LE


GaliciaLe é a plataforma do libro electrónico das bibliotecas públicas galegas que proporciona un servizo de préstamo de obras en formato dixital.
En GaliciaLe o lector atopará dous catálogos: un que contén o “Catálogo do libro electrónico en galego” e outro que aloxa o “Catálogo do libro electrónico en castelán”. Os libros incluídos nestas dúas contornas poderán lerse en dispositivos compatibles: tabletas, teléfonos móbiles, ordenadores persoais e lectores de libros electrónicos.
 

Para poder acceder a GaliciaLe cómpre:
  • Ser usuario/a con carné dunha das bibliotecas da Rede de Bibliotecas Públicas de Galicia. Despois é necesario rexistrarse na plataforma como usuario de GaliciaLe.
  • Ter un dispositivo compatible (tableta, ordenador persoal, lector de libro electrónico, teléfono móbil etc.) e unha conta de correo electrónico.

viernes, 14 de noviembre de 2014

AUTORES E LIBROS MÁIS LIDOS NOS CLUBS

A través de Ler en mancomún, chéganos a relación de títulos máis lidos nos Clubs de Lectura durante o curso 2013/2014.

E tamén os autores que máis se repiten.

jueves, 16 de octubre de 2014

PARABÉNS AOS PREMIADOS

Patrick Modiano, Diego Arboleda, Jorge Zepeda... son algúns dos galardoados este ano con recoñecementos como o Premio Nobel, os Premios Nacionais...

Podedes saber máis deles se acudides ao blog da biblioteca na etiqueta premios.

lunes, 13 de octubre de 2014

viernes, 10 de octubre de 2014

EXPOSICIÓN BANDA DESEÑADA

O Centro de formación e recursos (CFR) de Vigo préstanos, dende o día 8 ao día 27 de outubro, unha ampla mostra de banda deseñada.
O material está á vosa disposición na biblioteca, exposto na mesa da entrada. Como non temos permitido o préstamo, só será posible a lectura en sala.
Animádevos a visitala.

lunes, 6 de octubre de 2014

LIBRO DO MES NA BIBLIOTECA

Louise C Bergeron
A biblioteca xa empezou o concurso do libro do mes. Lede as bases e animádevos a participar. Só hai que ler o libro anunciado e responder a unhas preguntas.
Sinxelo para un bo lector.

sábado, 14 de junio de 2014

FLANAGAN, 2º A

Los alumnos de 2º A hemos decidido adentrarnos en el fascinante mundo de la investigación privada de la mano de Flanagan, nombre en clave de Joan Anguera, un joven barcelonés de 16 años que compagina la vida de estudiante con su labor de detective.

Creado por los autores Andreu Martín y Jaume Ribera , el personaje de Flanagan ha protagonizado una exitosa saga, de hasta doce volúmenes, en los que se suceden temas de actualidad, amenos, misteriosos y no exentos de peligros.

En el libro que nos ocupa, Flanagan de Luxe (1994), Joan tendrá que resolver un delicado asunto de drogas en el que se ven envueltos la atractiva niña rica Nines y su novio Ricardo Alfonso, alias Erreá. La lealtad, el poder desmedido del dinero, la actitud ante las drogas y la maduración durante la adolescencia son los temas fundamentales que recorren transversalmente la novela.

A los seguidores de Flanagan, aprovechamos para recordarles que existe una página web oficial dedicada a este personaje.

lunes, 9 de junio de 2014

VIAXE Á RIBEIRA SACRA

Coma sempre, pechamos as actividades dos clubs de lectura cunha viaxe.
Este ano o noso destino foi a Ribeira Sacra, onde coñecemos o mosteiro de San Estevo de Ribas do Sil e fixemos unha ruta polo Cañón do Sil no Catamarán.









sábado, 17 de mayo de 2014

DÍA DAS LETRAS GALEGAS

LA BUENA REPUTACIÓN, ADULTOS

Xa a piques de rematar o curso e para evitar andar ás présas, faremos a seguinte reunión a finais de agosto en torno ao libro La buena reputación de Martínez de Pisón.

Estamos en Melilla, son os anos cincuenta e, nese contexto de cambio e incerteza, o matrimonio de Samuel e Mercedes decide viaxar a Málaga para establecerse nunha España que comeza a abrirse lentamente á modernidade. Da man de cinco membros dunha mesma familia, esta saga percorre trinta anos da nosa historia e transita por cidades como Melilla, Tetuán, Málaga, Zaragoza ou Barcelona.
Os desexos e ilusións de Samuel e Mercedes, das súas fillas e dos seus netos veranse condicionados por segredos inconfesables nunha vida que transcorre fugaz einesperada.
Autor imprescindible das letras españolas, Ignacio Martínez de Pisón dá vida nestas páxinas a uns personaxes inesquecibles, nun retrato nítido e veraz da vida cotiá e o devir dunha familia. Unha lectura marabillosa á que un desexa volver porque nela vemos reflectidas nosas propias vivencias e a nostalxia daqueles momentos que se perden no recordo.

martes, 13 de mayo de 2014

MAKINARIA E PENÚLTIMAS TENDENCIAS, 3º+4º

A poesía de Carlos Negro axudaranos a despedir este club ata o ano que vén, con Makinaria e Penúltimas tendencias.

  • Penúltimas tendencias. Este é un libro de versos que rompen as costuras do silencio; un album secreto para todas aquelas mozas que procuran una fenda nos valos, máis alá da gaiola rosa dos contos de princesas; un diario onde unha adolescente convulsa e opaca atopa a voz que nunca tivo. Porque medrar é aprender a fuxir da ditadura dos espellos. Non agardes máis: entra nun universo onde non todo vai ser fashion & cool & chic & sexy. Tamén temos proxecto de lectura.

sábado, 3 de mayo de 2014

UN ATAQUE DE RISA, 2º C

Un ataque de risa, de Gabriel García de Oro, foi o elixido neste grupo. Morrerán de risa coa lectura?

Vaia día! Mario non recordaba outro igual. Ela deixáralle de falar ata novo aviso, o seu amigo Segur dubidara da súa amizade e largárase sen despedirse, sen esperalo para facer xuntos o camiño de volta. Por se fose pouco, un profesor ameazárao con suspendelo unha das súas materias favoritas, Lingua e Literatura, sen máis, sen exame, sen probas, sen nada. E todo por un chiste!!! Claro que era un chiste moi, moi, moi, pero que moi bo...
Así comeza unha das intrigas máis incribles e perigosas na vida dun estudante de instituto que se verá envolvido non só no asasinato dun dos seus profesores senón en todo un complot.
A editorial tamén nos ofrece un plan lector con actividades para antes, durante e despois da lectura.

sábado, 26 de abril de 2014

lunes, 21 de abril de 2014

23 DE ABRIL, DÍA DO LIBRO

Conmemoramos esta data e iniciamos unha viaxe coa lectura, dende a casa ata o universo da fantasía.

Ilustracións de Kavoko Nagashima

Máis información e recursos en Biblogcaniza.

sábado, 19 de abril de 2014

OS "40 PRINCIPAIS" EN GALEGO

En datas recentes, desde a Asesoría de bibliotecas escolares solicitáronnos aos centros PLAMBE a relación de títulos galegos que se incluían nos itinerarios lectores (é dicir, os libros de lectura recomendada desde os departamentos para o presente curso escolar).
Das respostas recibidas seleccionaron os "40 principais"; os 40 libros galegos que máis se repetían.

jueves, 10 de abril de 2014

LA LEY DE LA CALLE, 3º+4º

Esta foi a elixida: La ley de la calle, de Susan E. Hinton.

Sobrevivir nos suburbios dunha gran cidade esixe respectar as duras leis da rúa. Rusty James conseguiu saír adiante pero pagou un prezo moi alto. As pequenas escaramuzas que pronto se converteron en asuntos graves, as drogas, as ameazas á volta de cada esquina, o brillo do aceiro e o olor do sangue, os reformatorios, tamén as festas salvaxes e as rapazas. E ao fondo de todo a morte dun bo amigo que marcou a súa vida para sempre.

martes, 8 de abril de 2014

DRAGALIZANDO

Tiñamos escoitado moito sobre estes libros, aquela gran triloxía do dragón galego, da que tamén queren facer unha película e incluso un videoxogo e non queriamos quedar fóra desa irmandade. Foi empezar a nosa lectura e a propia autora presentouse no noso centro, está moi claro que esta historia ten un componente máxico indubidable.  En efecto, a xornalista e escritora Elena Gallego, cuxa páxina web persoal podedes visitar aquí, estivo connosco para falar de nenos, de Hadrian,  de Mónica, de dragóns, de seres mitolóxicos e de trens que as veces pasan por diante das nosas vidas e non deberiamos perder.